Norsk senter for maritim medisin

Aktiviteten ved senteret har også i 2010 vore høg i høve til talet på tilsette. RÅDGJEVING Ved utgangen av 2010 var vi klare til å signera ein formell samarbeidsavtale som plasserer NSMM i ein formell posisjon i høve til SDIR. I tillegg til dette leiar Alf Magne Horneland Fagnemnda. Vi fungerer no også som rådgjevarar i skipsmedisinspørsmål for Helsedirektoratet. Vi får stadig spørsmål frå sjøfolk, sjømannslegar, bedriftslegar, sjukehusspesialistar og allmennlegar, juristar, skipskonstruktørar, kontrahentar og planleggarar vedrørande ulike maritim-medisinske spørsmål. Likeså er det spørsmål frå ulike styresmaktsorgan. KURS OG KONFERANSAR - Sjøhelsekonferansen er av praktiske grunnar flytta til våren, og vart difor ikkje arrangert i 2010. Neste gang er 23-24. mars 2011. - Grunnkurs i maritim medisin (40 timer) (to gonger årleg). - Medisinsk behandling ombord (1 gong årleg) i samarbeid med Bergen Maritime Fagskole. - Kjemikaliekurs (x1 årleg) - Kurs i administrasjon og leiing (x1 årleg) Vi har delteke på Haugesundkonferansen, Sjøsikkerhetskonferansen, fagseminara til Kystverket og Saniteten i Sjøforsvaret. Internasjonal deltaking i eige punkt. LÆREMIDLAR "Textbook of maritime medicine" er no på nettet. Redaksjonskomiteen er europeisk og forfattarane frå heile verda og er det første internasjonale læreverket frå Haukeland Universitetssjukehus og den første læreboka i maritim medisin i verda. Sjå www.nfmm.no/tmm. Det vert arbeidd med å oversetja boka til spansk, og det er også planlagt ein russisk versjon. Professor emeritus Aksel Schreiner er redaktør for boka. Under planlegging er utgjeving av ”Handbook for Medical Examiners”, som vender seg til sjømannslegar i heile verda. Professor Tim Carter er ansvarleg for dette. UTVIKLINGSARBEID På oppdrag fra Eidesvik AS har vi utarbeidd ein ”Health Risk Assessment Plan” i samband med oppryddingsarbeidet i Mexicogulfen etter Deepwater Horizon-ulukka. Dette arbeidet resulterte i at vi etterpå utvikla generelle rådgjevingsdokument på oppdrag frå Sjøfartsdirektoratet. FORSKING Generelt er det vanskeleg å skaffa forskingsmidlar til senteret sitt arbeid. Ved hjelp av gåver frå Grieg Foundation vert synsforskninga halden vedlike utover etterjulsvinteren 2011. Kystverket har totalfinansiert prosjektet som handlar om kvile og søvn i lostenesta og HMS i lostenesta. Prosjektet går over 3 år (2009-2011). Vi starta i 2010 opp ein studie på årsaker til tap av helseerklæring i offshore-industrien. Det er gjort opp materiale basert på feltarbeid i cruisefarten, og det er levert flere originalartiklar. INTERNASJONALT ARBEID Vi er medutgjevarar av tidsskriftet ”International Maritme Health”, og assisterande sjefsredaktør er professor Eilif Dahl frå NSMM. Tidsskriftet vert utgjeve i Polen, og er eit samarbeid mellom den polske maritim-medisinske foreininga, NSMM og International Maritime Health Association (IMHA). Vi har etablert en samarbeidsavtale med Medical University of Gdansk. Alf Magne Horneland har fleire roller i samband med IMHA: • Styremedlem • Leiar av IMHA Working Group on Ship Medicine Chest • Medlem av IMHA Working Group on Medical Fitness Standards • Manager for IMHA Global Quality Assurance Program for Maritime Clinics • Ansvarleg for telemedisin • Ansvarleg for reviewing av vitskaplege arbeid Vi er med i nettverket av WHO Collaboration Centres on Maritime Health (Gdynia, Esbjerg, Hamburg og Cardiff). Vi har vore rådgjevarar for International Labour Organisation og for International Shipping Federation i høve til skipsmedisin og helseundersøkingar for sjøfolk. Vi har i 2009 hatt presentasjonar i fleire internasjonale konferansar: • Seama European Conference on Science Education at Maritime Academies • Third International Course on Seafarers' Occupational Health Examinations 'Medical conditions and fitness for work at sea' 8-11 juni 2010, Scandic Crown, Gothenburg, Sweden • Editorial meeting, Textbook of maritime Medicine, 30-31 august 2010, Amsterdam • Joint ILO-IMO Working Group oin Medical Fitness Examinations of Seafarers and Ships' Medicine Chests, 4-7 oktober, Geneve • 4th Hispanofrancophone Congress on Maritime Medicine, 19-24 oktober 2011 • IMHA Workshop on Infectious diseases, 29. november- 2. desember, Singapore Ved utgangen av året er vi i ferd med inkorporera Radio Medico, og etablera ein fast maritim telemedisinsk sentral ved Haukeland Universitetssjukehus. Radio Medico har til no vore driven som eit samarbeid mellom fire næringsdrivande legar.

Vi er godt nøgde med produksjonen i 2010 med 3,05 årsverk. Internasjonal aktivitet har auka monaleg gjennom engasjementet i IMHA og kontaktane med ILO og ISF. Avtalen med SDIR og nærare tilknyting til HDIR gjev oss større gjennomslagskraft. Det ligg store oppgåver og ventar, knytt til oppbygginga av Radio Medico til ein moderne vaktsentral, og oppbygging av kvalitetssikringsprogrammet til IMHA. Senteret manglar eit miljø med yngre og eldre legar. Dei legane som arbeider i Radio Medico arbeider ikkje til dagleg med maritim medisin. Nye stillingar er naudsynte for å sikra eit stabilt og robust fagmiljø. Slike stillingar er også naudsynte for å sikra rekruttering og vidareføring av kompetanse. Gjennomsnittsalderen på legane i NSMM (63 år) og i Radio Medico (65 år) tilseier at dette hastar. Det er ikkje mogeleg å få det til innanfor noverande budsjettrammer, så det seier seg sjølv at rammene må aukast, dersom senteret ikkje skal måtta starta ”på ny” om nokre få år.

Senteret har i 2010 hatt følgjande tilsette: Lønn over ordinært budsjett – til saman 2,70 årsverk: Leiar Alf Magne Horneland (100%) Nestleiar/forskningssjef Arne Johan Ulven (100%) Professor emeritus Aksel Harald Schreiner (40%) Professor John Timothy Carter (20% fra 1.10.2010) Overlege dr med Leif Aanderud (25%) Ekstern finansiering – til saman 0,60 årsverk: Professor Eilif Dahl (20% - løn frå Rikshospitalet) Stipendiat Vilhelm F. Koefoed (40% - Grieg Foundation)) Då senteret vart etablert i 2006 fekk Norege for første gong ein organisasjon som skulle arbeida med fagområdet "maritim medisin". Ved å tilsetja legar med lang røynsle i ulike deler av fagfeltet i deltidsstillingar, har ein klart å bygja opp eit kompetansesenter med slagkraft, trass små midlar. Medrekna eksternt løna personell har vi no 3,45 årsverk. Gjennomsnittsalderen ved senteret er 63 år. Det er derfor naudsyt å oppretta rekrutteringsstillingar, for å føra kompetansen vidare.